ColorZilla ជាជំនាញការពណ៌របស់ Firefox ដែលអ្នកសរសេរប្លកគួរតែមាន

អ្នកសរសេរប្លកក៏ត្រូវការឧបករណ៍សម្រួលដល់ការសរសេរប្លក មិនចាញ់អ្នកជំនាញរចនាគេហទំព័រប៉ុន្មានទេ ដូចជា កម្មវិធីបម្លែងនិងគ្រប់គ្រងរូប កម្មវិធីធ្វើរូបភាពអេក្រង់ ជាពិសេសឧបករណ៍ស្ទុងពណ៌និងប្រអប់ពណ៌។ កាលពីលើកមុនខ្ញុំធ្លាប់បានបង្ហាញជូននូវប្រអប់ពណ៌ចំនួន 2 រួចមកហើយ (ប្រអប់ពណ៌ទាំងអស់ និង ប្រអប់ពណ៌សំខាន់ៗ) លើកនេះខ្ញុំសូមនាំជូននូវ Add-On (កម្មវិធីបន្ថែម) របស់ Firefox មានឈ្មោះថា ColorZilla ដែលមាននាទី ស្ទុងដឹងតម្លៃពណ៌គ្រប់ទីកន្លែងក្នុងផ្ទៃគេហទំព័រនានា និងមានប្រអប់ពណ៌ជាច្រើនក្រុម ដែលមានទាំងឈ្មោះទៀតផង។

របៀបដំឡើង ColorZilla ដាក់ចូល FireFox ៖

- ចូលទៅកាន់ទំព័រ ColorZilla នៅ Firefox *
- ចុចលើពាក្យ +Add to Firefox ដើម្បីដំឡើង ការដំឡើងគឺមិនមានអីពិបាកទេគ្រាន់តែធ្វើតាមទាមទាររបស់ Firefox ដល់ចុងក្រោយ ចាប់ផ្ដើមកម្មវិធី Frefox ឡើងវិញជាការស្រេច។

- ចូលទៅ ប៊ូតុង Firefox >> កម្មវិធីបន្ថែម ដើម្បីពិនិត្យមើលថាតើដំឡើងបានត្រឹមត្រូវឬទេ!

- ដើម្បីប្រើប្រាស់ លោកអ្នកគ្រានតែចុចលើរូបតំណាង ColorZilla ដែលនៅលើរបារឧបករណ៍រុករក

- នៅក្នុង Color Picker មាន : ប្រអប់ពណ៌ (Picker) និង Palettes ( ក្រុមពណ៌) ដែលគ្រប់គ្រាន់ក្នុងការប្រើ។ ខ្ញុំចូលចិត្ត Web Named Colors Palettes ណាស់ព្រោះមានឈ្មោះរបស់ពណ៌ ជាភាសាអង់គ្លេស ធ្វើឲ្យខ្ញុំដឹងពីភាពខុសគ្នាតាមរយៈឈ្មោះ៕

*គេហទំព័រផ្ទាល់របស់ ColorZilla

អាឆៅម៉ុងតឺ